Paul Bristow, një deputet britanik, njoftoi të premten se ai do të agjëronte javën e parë të muajit të shenjtë të Ramazanit.
Bristow, një anëtar i Partisë Konservatore, postoi një video në një profil në Twitter duke njoftuar vendimin e tij për të agjëruar, duke përmendur se ai dëshironte të kuptonte se çfarë donte të thotë muaji i Ramazanit për muslimanët.
“Ramazani është një kohë për reflektim shpirtëror, përsosje të mëtejshme dhe besim të shtuar. Vendosa të agjëroj javën e parë të Ramazanit,” tha ky deputet 41-vjeçar nga Peterborough.
Ai theksoi se ai dëshironte të tregonte afërsi dhe marrëdhënie të mira me myslimanët që jetojnë në Peterborough përmes këtij procesi.
“Unë nuk jam musliman, por mendoj se është e rëndësishme për mua të kem këtë përvojë me rreth 20,000 muslimanë që jetojnë në Peterborough, qyteti im”, shtoi Bristow.
Ai theksoi se gjithashtu dëshironte të kuptonte më mirë se çfarë aktivitete kryejnë muslimanët gjatë këtij muaji dhe “çfarë do të thotë Ramazan për ta”.
Ai tha se shpresonte të mësonte shumë më tepër rreth Islamit dhe vetvetes përmes agjërimit.
“Ndërsa kjo me siguri do të jetë një provë e forcës dhe disiplinës time mendore, gjithashtu përfshin dhe momente të shkëlqyera miqësie,” shtoi Bristow, duke përmendur se ai do të bënte video të përditshme të përvojës gjatë agjerimit.
“Shpresoj se kjo do të jetë një mënyrë e dobishme për ta prezantuar Ramazanin me të tjerë si unë që nuk e kanë provuar më parë,” tha Bristow. /tesheshi.com/
