Për pastrim më efiçent dhe më të lehtë, duhet të merrni në konsideratë fuqinë thithëse të pajisjes dhe performancën e mbledhjes së pluhurave të fshesës në vend të fuqisë së motorit.
Nëse kërkoni një pajisje më higjienike dhe që kërkon më pak kujdes, duhet të zgjidhni fshesa me korrent me qese për pluhurat. Fshesat me korrent me qese për pluhurat janë më të lehtat në përdorim dhe përkujdesje.
Qesja e pluhurit mund të hiqet dhe hidhet kur të jetë plot dhe të zëvendësohet me një qese të re për të rinisur pastrimin.
Nëse kërkoni një pajisje higjienike dhe të lehtë për t’u pastruar që nuk kërkon zëvendësim të qeses së pluhurave, mund të zgjidhni fshesat me korrent me parimin e ciklonit pa qese për pluhurat. Këto pajisje ofrojnë avantazhe sepse nuk kërkojnë qese për pluhurat. Nëse fshesa me korrent kap objekte të mprehta, nuk ka rrezik të dëmtimit të motorit. Avantazhi më i rëndësishëm i fshesave me korrent pa qese është zbrazja e lehtë e dhomëzës së pluhurave kur ajo është plot dhe vazhdimi me punën për pastrimin.
Nëse kërkoni një fuqi të lartë konstante thithëse, fshesat me korrent me teknologji të përparuar multi-ciklon do të jenë një zgjedhje për ju sepse në këto produkte nuk ka rënie të thithjes. Megjithatë, një mangësi e fshesave me korrent ciklonike pa qese është që ato kanë pjesë që kërkojnë pastrim dhe larje. Veçanërisht, filtrat HEPA përpara motorit duhet të shkunden, të lahen dhe të lihen të thahen. Në të kundërt, fuqia thithëse do të bjerë pas pak kohe. Përveç kësaj, në varësi se sa të kujdesshëm jeni ju, mund të ketë një problem me shpërndarjen e pluhurave kur zbrazni dhomëzën e pluhurave.
Nëse kërkoni një pajisje me kapacitet të lartë grumbullimi të pluhurave, mund të zgjidhni fshesat me korrent me filtër uji. Pajisjet me një filtër ajri dallohen sepse ato nuk kërkojnë qese për pluhurat dhe papastërtitë i kap të gjitha uji. Sidoqoftë, meqenëse ajri rrjedh shumë shpejt, pak nga pluhurat mund të shkojnë drejtpërdrejt në filtra pa e prekur ujin. Prandaj, është e mundur që të shtoni një njësi cikonike për ta bërë pluhurin që të qëndrojë në ujë. Kjo karakteristikë përfshihet në produktet Beko Aquastorm me një filtër uji.
Nëse vendosni për fshesat me korrent me filtrim të ujit, disavantazhi i këtyre pajisjeve është se duhet të mbushni sasinë e treguar të ujit në dhomëz përpara çdo përdorimi dhe produkti duhet të jetë i pastruar tërësisht pas çdo përdorimi. Në të kundërt, produkti do të lëshojë erëra të pakëndshme.
Nëse dëshironi ta përdorni pastruesin tuaj si në dysheme të lagura, ashtu dhe në të thata, duhet të zgjidhni fshesat me korrent që punojnë në të njomë dhe në të thatë. Kur përdoret në metodën për të njomë, produkti mund të thithë drejtpërdrejt ujin. Për shembull, kur lëngjet derdhen në dysheme apo kur tapeti është pastruar me një copë, uji i mbetur mund të thithet me këtë pajisje.
Nëse dëshironi ta përdorni pajisjen tuaj për të pastruar tapetet apo ndenjëset, duhet të papapëlqeni larësit e tapeteve. Këto produkte përmbajnë një dhomëz të ujit të pastër ku mund gjithashtu të shtoni shampo për tapetin dhe një ndarëse për të mbledhur ujin e papastër. Gjatë pastrimit, uji dhe agjenti pastrues spërkaten në zonën e ndotur dhe pasi të keni pritur, mund të thithni ujin për të pastruar tapetin.
Nëse kërkoni një pajisje praktike për një pastrim të shpejtë dhe të dobishëm, mund të zgjidhni makinat fshirëse pa kordon. Prandaj, ju mund të pastroni pluhurin e dukshëm me makinën fshirëse pa kordon pa e vënë në punë fshesën tuaj të madhe me korrent. Makinat fshirëse nuk mund të kryejnë pastrim të thelluar; sepse fuqia e tyre thithëse është e ulët. Ato mund të grumbullojnë vetëm pluhurat në formë thërrimeje. Midis makinave fshirëse pa kordon, llojet vertikale dhe makinat fshirëse në formë shkopi ofrojnë lehtësi në përdorim.
