A jeni ju pengesa e vetes suaj në rrugën drejt suksesit? Ndoshta, por të paktën jo në mënyrë të qëllimshme. Sigurisht që ju nuk shkoni vonë në punë, i përfundoni në kohën e caktuar detyra të ndyrshme, duke u munduar në këtë mënyrë që të jeni sa më produktiv dhe më efikas.
Por nëse ju do ta vëzhgonit më me kujdes sjelljen tuaj, atëherë mund edhe të vinit re disa zakone të cilat janë pikërisht ato që ju pengojnë dhe ju “sabotojnë” rrugën drejt suksesit.
Më poshtë do të lexoni 5 pika të cilat do t’ju vijnë në ndihmë në këtë drejtim:
1. “Zërat” në kokën tuaj
Ndoshta ju nuk jeni i vetmi që dëgjoni zëra në kokën tuaj (zakonisht është nëndërgjegjia) që ju thotë se ju nuk jeni i aftë sa duhet që të keni sukses në projektin tuaj të rradhës. Këto “zëra” janë të lidhur edhe me frikën tuaj dhe zakonisht kanë tendencë që t’ju mbajnë në zonë tuaj të komforit dhe të mos ju lënë që të rrezokoni, gjë kjo që do të thotë se ju në këtë mënyrë do të qëndroni larg zbulimit të potencialit të plotë të aftësive tuaja. Ndaj në raste të tilla këshillohet që t’i injoroni ato.
2. Mos u përqendroni tek dështimi
Ju nuk do të keni gjithmonë sukses në projektet që do të ndërmerrni. Edhe pse zhgënjyese një gjë e tillë është e vërtetë dhe më e mira është nga të gjithë si fakt. Por nëse në çdo projekt që do të ndërmerrni ju do të përqendroheni në faktin se ju mund të dështoni në vend të atij që ju mund të jeni të suksesshëm, atëherë të jeni të sigurtë se frika ndaj mundësisë së dytë mund ta shndërrojë atë në një të vërtetë të dhimbshme. Prandaj sa herë që ndërmerrni një projekt, tregohuni optimist sa më shumë të jetë e mundur, frymë kjo e cila do t’ju ndihmojë gjatë të gjithë procesit.
3. Ju nuk i festoni arritjet tuaja
Motivimi është një prej elemntëve më të rëndësishëm në rrugën e gjithkujt, mungesa e të cilit padyshim që do e bënte atë rrugëtim shumë të vështirë. Prandaj festoni çdo arritje tuajën, çdo sukses tuajin, sado i vogël qoftë ai.
4. Sfidat janë të pashmangshme
Pavarësisht se çfarë doni të arrini, sfidat do të jenë gjithmonë prezente dhe të pashmangshme në rrugëtimin tuaj. Nëse ju do të zgjidhni ta shikoni rrugën plot me pengesa, padyshim që ajo do të jetë e vështirë, ndaj shikojni sfidat si një mundësi për t’i kaluar dhe për t’u rritur profesionalisht.
5. Mos u përqendroni vetëm në rezultatin përfundimtar
Nëse doni të jeni sa më të suksesshëm në rrugën tuaj të suksesit, atëherë ju duhet t’i kushtoni rëndësi çdo hapi që ndërmerrni sepse janë pikërisht këto ato që do t’ju lehtësojnë rrugëtimin dhe do t’ju japin një rezultat përfundimtar sa më pozitiv.
