Një vajzë është pushuar nga puna e saj në Tiranë, ngase iu ishte bashkuar studentëve të Universitetit të Tiranës kundër tarifave.
Kështu ka bërë të ditur Gresa Hasa një nga anëtarët e Lëvizjes Studentore që ka organizuar protestat.
“Njërën nga shoqet e mia të lëvizjes e pushuan nga puna sot sepse është politikisht e angazhuar. Pronarët e bizneseve nuk janë fort ndryshe nga pronarët në krye të qeverisë. A s’është revoltuese kjo?! Kauza për arsimin e lartë s’është vetëm e studentëve. Ajo është kauzë e të gjithë shoqërisë prandaj rasti e meriton që nesër të mblidhemi më të shumtë në numër, pavarësisht statusit, profesionit, qyteteve apo fshatrave nga vijmë! Së bashku drejt të ardhmes sepse arsim cilësor do të thotë shoqëri më e drejtë dhe e mirë!”, ka shkruar ajo.
