“OBI dënon ashpër agresionin e forcave pushtuese izraelite në Gaza dhe sulmet e tyre mbi civilët dhe objektet e banimit”, thuhet në kumtesën e krerëve të kësaj organizate
Organizata e Bashkëpunimit Islamik (OBI) ka kërkuar ndalim të menjëhershëm të sulmeve izraelite në enklavën e bllokuar palestineze, Gaza, raporton Anadolu Agency (AA).
“OBI dënon ashpër agresionin e forcave pushtuese izraelite në Gaza dhe sulmet e tyre mbi civilët dhe objektet e banimit”, thuhet në kumtesën e krerëve të kësaj organizate.
OBI gjithashtu bën thirrje në dhënien fund të “agresionit brutal” që Izraeli e ushtron në territorin palestinez.
Në kumtesën që mban nënshkrimin e sekretarit të Përgjithshëm të OBI-t, Yousef bin Ahmad Al-Othaimeen, thuhet se Izraeli do të mbajë përgjegjësi për të gjitha pasojat e përshkallëzimit të fundit të situatës në Gaza.
Al-Othaimeen i bëri thirrje komunitetit ndërkombëtar që urgjentisht të ndërhyjë për të detyruar Izraelin të ndërpresë agresionin e dhunshëm dhe të respektojë normat ligjore ndërkombëtare.
Të paktën 7 palestinez ranë dëshmorë në operacionin e fshehtë të kryer nga forcat izraelite në Gaza, kurse së paku 6 palestinezë të tjerë u vranë në sulmet e mbrëmshme ajrore në Gaza.
Që nga marsi forcat izraelite kanë vrarë mbi 200 palestinezë, dhe plagosën mijëra të tjerë të cilët protestonin në zonën kufitare në rripin e Gazës, ku kërkonin përfundimin e bllokadës izraelite dhe dhënien fund të pushtimit të territoreve palestineze.
