HTC One M9 ka filluar të shfaqet në horizont, ndërsa kompania tajvaneze po përgatitet për prezantimin zyrtar të telefonit në Kongresin Mobil Botëror. Telefoni me pseudonimin “Hima”, u shfaq në disa imazhe në një uebsit francez. Ky i fundit i largoi imazhet duke thënë se po përpiqej të mbronte burimin e tyre.
Sigurisht, këto imazhe bënë xhiron e botën në internet përpara se të largoheshin, dhe ne po i paraqesim në të gjithë madhështinë e tyre. Pjesa e pasme e telefonit nuk duket se do të sjellë ndonjë ndryshim dramatik krahasuar me M8, por ajo që vëmë re është hapësira e lentes së kamerës në formë katrore dhe skaje të rrumbullakuara. Por ku është sensori dytësor karakteristik për kamerën duale të M8 ?
Nga imazhet është e pamundur për ne të përcaktojmë madhësinë e tij, po duhet të jetë mes 5 inç të M8-ës dhe 5.5 inç të smartfonëve modern.
HTC One është një produkt mjaft i rëndësishëm i kompanisë tajvaneze e cila po përpiqet të ruajë gjendjen aktuale të shkëlqyeshme të ardhurave të kompanisë pas një rënie në muajt e shkuar. Krahas HTC One M9, të gjithë po presin të shohin edhe një orë inteligjente nga kompania, e cila do të ishte një shoqëruese e mirë për M9. (PCWorld Albanian)/kohaislame
