Tifozët dhe futbollistët e Japonisë e kanë impresionuar botën e futbollit në Kupën e Botës në Rusi, pasi që pas çdo loje i kanë pastruar tribunat e stadiumit dhe dhomat e veshjes. (…)
Pasi që kjo u bë hit botëror, u zbulua edhe arsyeja se pse ata e bëjnë këtë.
Në fakt, përgjigja qëndron në mënyrën e shkollimit (edukimit) të tyre.
Në Japoni, është krejtësisht normale që nxënësit ta pastrojnë shkollën e tyre me pëlhurat që i sjellin nga shtëpia, duke e përfshirë këtu edhe pastrimin e tualetit.
Që nga dita e parë në shkollë, ata i lajnë dritaret, i pastrojnë shkallët, e fshijnë derën, bëjnë pastrim pas ngrënies së mëngjesit dhe drekës… Ata më të rinjtë, megjithatë, janë të kursyer nga pastrimi i tualeteve, të cilën e bëjnë nxënësit më të vjetër.
Mësuesit ua ndajnë detyrat në mënyrë të barabartë, dhe motoja e tyre është:
– Nëse e përdorni ndonjë hapësirë, është detyrë dhe përgjegjësi e juaj, që atë hapësirë ta lini të pastër.
Kjo praktikë rrjedh nga mësimi budist, i cili e shpjegon rëndësinë e ruajtjes së mjedisit dhe të trupit.
Avaz.ba;
Përshtati: Miftar Ajdini
