Banorët e Medinës kanë përdorur muajin e Bekuar të Ramazanit për të marrë mundësinë për të mirëpritur besimtarët në Xhaminë e Pejgamberit dhe shprehin mikpritjen e tyre.
Tubimet e iftarit, si këto, sjellin bashkësinë e Medinës së bashku për të shoqëruar dhe sfiduar njëri-tjetrin në kryerjen e veprave të mira.
Agjencia saudite e lajmeve pasqyron frymën e Ramazanit në xhaminë e Pejgamberit, me banorët e Medinës që nxitojnë për të shërbyer besimtarët me iftar të përgatitur nga kuzhina lokale.
Një ekip i dedikuar për t’i shërbyer iftarit ka dhënë një udhëzues për ata që duan të shërbejnë ushqim. Shërbyesit janë të licencuar për ta bërë këtë dhe janë plotësisht përgjegjës për cilësinë e ushqimit. Çdo shkelje do të rezultojë në anulimin e licencës dhe dhënies së mundësisë për një kompani tjetër.
Menyja e iftarit gjatë Ramazanit përfshin çaj, kafe, kos, bukë, oriz, mish, fruta dhe lëngje.
Ushqimi është shërbyer në zonat e kuarteve të jashtme të xhamisë, të destinuara për agjëruesit ku mund të pushojnë dhe shijojnë ushqimet e tyre.
Iftarët përgatiten menjëherë pas namazeve të ikindisë dhe organizatorët hyjnë në xhami nga portat speciale të caktuara për të përmbushur këto detyra. Inspektorët e ushqimit sigurojnë që asgjë përveç ushqimit të lejuar të mos i shërbehet besimtarëve.
Në namazin e akshamit, ushqimet përgatiten dhe para se të falet namazi, ushqimet shpërndahen për të siguruar hapësirë për besimtarët që të falen. /30Ditët/
