MOSKË (AA) – Një helikopter luftarak i tipit Ka-52 i Rusisë ka rënë në lindje të Sirisë, ku humbën jetën 2 pilotë, transmeton Anadolu Agency (AA).
Në një deklaratë nga Ministria e Mbrojtjes së Rusisë njoftohet se është rrëzuar një helikopter luftarak i tipit Ka-52, i cili fluturonte në rajonet lindore të Sirisë.
Dy pilotë të cilët ndodheshin në helikopter kanë humbur jetën, kurse sipas vlerësimeve të para thuhet se helikopteri mund të ketë rënë për shkak të një problemi teknik.
