Shteti amerikan, Iowa ka miratuar një nga projektligjet më strikte për abortin, duke ndaluar abortet prej momentit kur dëgjohen të rrahurat e para të zemrës së fetusit.
Ligjvënësit republikanë, që kontrollojnë dy dhomat e parlamentit kanë kaluar projektligjin, duke dërguar të njëjtin te guvernatori për ta fuqizuar në ligj.
Në rast të miratimit, projekligji do të ndalonte abortet pas javës së gjashtë të shtatzënisë.
Ky projektligj e konsideron abortin të paligjshëm, përpara se shumica e grave të kuptojnë se janë shtatzënë.
Guvernatorja republikane e Iowas-s, Kim Reynolds nuk ka treguar nëse ajo do ta nënshkruajë projekligjin.
Përfaqësuesja republikane, Shannon Lundgren u ka thënë mediave lokale se ajo beson që projekligji do të miratohet.
Vitin e kaluar, republikanët e Iowa-s kanë ndaluar abortet pas javës së 20-të të shtatzënisë.
