Një gazetar nga Nikaragua është vrarë derisa po raportonte live për demonstratat antiqeveritare.
Anhel Gahona po i transmetonte live në Facebook ngjarjet nëpër qytet, dhe derisa po raportonte se si demonstruesit e dhunshëm kishin shkatërruar një bankomat, dëgjoi të shtënat.
Në ato momente shihet se si ai goditet në kokë dhe rrëzohet në tokë, derisa miqtë e tij fillojnë të bërtasin dhe të kërkojnë ndihmë.
Nuk dihet saktë se kush e ka qëlluar për vdekje, por e përditshmja La Prensa shkruan se policët e armatosur dhe grupe të demonstruesve janë përleshur me njëri-tjetrin.
Që nga e premtja e kaluar në Nikaragua kanë filluar protestat kundër planeve të qeverisë të zvogëlojnë pensionet dhe të drejtat e punëtorëve, të gjitha këto kanë shkaktuar një krizë të madhe shtetërore në krye të cilës është Daniel Ortega.
Kryqi i Kuq vlerëson se të paktën gjashtë persona janë vrarë që nga fillimi i protestave, derisa mediat lokale raportojnë se janë vrarë 25 persona në mesin e të cilëve është edhe një 17-vjeçar.
https://www.youtube.com/watch?time_continue=72&v=QFe0Q8tciwE
https://www.youtube.com/watch?v=ToOrT2oL1T0
