Ministria e Jashtme çeke kërkon nga autoritetet palestineze që të shpjegojnë praninë e armëve të paregjistruara, që janë gjetur javën e kaluar në rezidencën e ambasadorit palestinez në Pragë.
Ministria ka thënë se e konsideron praninë e armëve si “shkelje serioze të Konventës së Vjenës për Marrëdhënie Diplomatike”.
Policia çeke ka gjetur 12 armë të paregjistruara në rezidencë, derisa ka hetuar vdekjen e ambasadorit palestinez, nga një shpërthim që ka ndodhur të mërkurën, teksa ka hapur një sef në shtëpinë e tij.
Mbetet e paqartë se çfarë e ka shkaktuar shpërthimin, por vdekja e ambasadorit po hetohet si rast i neglizhencës.
