Ajo është e vendosur në mes të shtëpive më të vjetra se nëntë dekada në lagjen “Kesare” në Bagdad. Popullata lokale e quan rrugë “derbune”, që do të thotë “rrugë e ngushtë”.
Rruga është 70 metra e gjatë dhe bri saj ka 8 shtëpi. Shtëpitë janë të vjetra, të lënë pas dore dhe të vogla, duke e bërë jetën më të vështirë për njerëzit që jetojnë në to.
Asnjë makinë nuk mund të hyjë në rrugë, dhe banorët përdorin mjete tejet të vogla si biçikleta për të kryer transportin e produkteve të tyre ushqimore. Por, kjo nuk mjafton.
Një nga pronarët e shtëpisë në “Rrugën më të ngushtë”, Yasir Mutassar tha se ata nuk janë në gjendje të blejnë mobilje për shtëpitë e tyre.
“Bleva një rrobalarëse, por nuk arrita ta çoja në shtëpinë time, kam pritur për orë të tëra në rrugë, pas së cilës ia kam shitur dikujt tjetër”, tha Mutassar.
Megjithatë, pavarësisht nga të gjitha këto vështirësi, ai ka jetuar në këtë rrugë për 35 vjet. Edhe Abu Abdullah jeton në këtë lagje. Sipas tij, edhe xhenazet nuk mund të kalojnë.
Në këtë rrugë, shtoi ai, për vite me radhë, arabët sunitë dhe shiitë jetojnë së bashku.
