Prokurori publik i Egjiptit sot ka urdhëruar burgosje 15 ditëshe për presidentin e përmbysur, Mohammad Morsi, në pritje të një hetimi lidhur me akuza se ai ka marrë pjesë në “akte të dhunshme”, ka raportuar agjencia shtetërore e lajmeve MENA, transmeton Reuters.
Ditën e Enjte, autoritetet e drejtësisë në Egjipt ia kanë zgjatur paraburgimin zotit Morsi, për një periudhë 30 ditëshe, në një rast tjetër.
Morsi, i cili është përmbysur nga ushtria më 3 Korrik të këtij viti, po mbahet në një lokacion të fshehtë, i akuzuar edhe për vrasje dhe spiunim.
Rasti i ri, fokusohet në protestat, që u organizuan në Dhjetor të vitit të kaluar, para pallatit presidencial në Kajro.
