Përdoruesit e Android-it kanë mundësi ta shkarkojnë tashmë Facebook Home nga Google Play. Aplikacioni është më i fundit nga Facebook-u.
Ai synon të sjellë një vizion të ri në smartfonin tuaj, duke e bërë atë më të fokusuar ndaj njerëzve.
Facebook Home është i disponueshëm për disa modele smartfonësh me Android – përfshi HTC One X, HTC One X+, Samsung Galaxy S III dhe Samsung Galaxy Note II.
Ndërkohë HTC First është smartfoni i parë i dizajnuar posaçërisht për këtë aplikacion.
Por, para se të entuziazmoheni para kohe, mos harroni se Facebook Home për momentin nuk është i disponueshëm për të gjithë përdoruesit e Android-it, por vetëm për ata që kanë modelet e mësipërme të telefonëve (pra, vetëm katër modele).
Së shpejti ai do të suportohet edhe nga HTC One (versioni i ri) dhe Samsung Galaxy S4, ndërkohë që përdoruesit e tjerë duhet të tregohen të duruar. Aplikacionin mund ta shkarkoni nga faqja zyrtare Facebook Home në Google Play. (PCWorld Albanian)/kohaislame
