Shtatë civilë kanë humbur jetën, prej të cilëve katër fëmijë, si pasojë e sulmeve të regjimit të Beshar Asadit në “zonat jokonfliktuale” të kryeqytetit sirian Damask
DAMASK/IDLIB (AA) – Shtatë civilë kanë humbur jetën, prej të cilëve katër fëmijë, si pasojë e sulmeve të regjimit të Beshar Asadit në “zonat jokonfliktuale” të kryeqytetit sirian Damask, raporton Anadolu Agency (AA).
Muhammed Ethem, zyrtar i Mbrojtes civile në rajonin e Gutës Lindore në Damask, për AA tha se avionë të regjimit kanë bombarduar vendbanimet Zemelka dhe Heze që gjenden nën kontrollin e opozitarëve dhe që janë pjesë e “zonave jokonfliktuale”.
Si pasojë e sulmeve, në Zemelka kanë humbur jetën tre fëmijë, kurse në Heze katër personave, prej të cilëve një fëmijë, njoftoi Ethem, i cili tha se nga sulmet ka edhe shumë të plagosur.
Ai theksoi se në vendet që janë bombarduar nga forcat e regjimit janë shkaktuar dëme të mëdha materiale.
Ndryshe, Zemelka dhe Heze, që janë pjesë e rajonit të Gutës Lindore, prej pesë vitesh janë të rrethuara nga forcat e regjimit, i cili nuk lejon hyrjen e ndihmave humanitare në këtë rajon. Popullata e Gutës Lindore siguron ujin nga puset e hapura, kurse energjinë elektrike përmes gjeneratorëve.
Sulm me autobombë në Idlib
Nga ana tjetër, Ali El Meri, zyrtar i Mbrojtjes civile në Idlib, që gjendet nën kontrollin e opozitarëve, tha se si pasjë e shpërthimit të një automjeti të ngarkuar me bombë në afërsi të Spitalit El-Mexhd në lagjen Meshtel, janë plagosur dy gra dhe tre fëmijë.
Meri theksoi se të plagosurit janë transferuar në spital për trajtim.
Sulmi ende nuk është marrë përsipër nga askush.
