Cikloni Mora goditi sot Bangladeshin shoqëruar me erëra me intensitet të lartë shpejtësie deri në 135 kilometra në orë, duke shkatërruar mijëra shtëpi dhe detyruar evakuimin e 450.000 persona të fshatrave bregdetare.
Cikloni ka përfshirë zonën në juglindje të vendit mes qyteteve Chittagong dhe Cox’s Bazar rreth orës 06:00 sipas orës lokale (00:00 GMT), njoftoi Departamenti Meteorologjik në një dalje publike.
Asnjë viktimë nuk raportohet për momentin por autoritetet kanë njoftuar për dëme të konsiderueshme në qendrat e banimit.
Qeveria ka strehuar rreth 450.000 banorë të rajonit pas sinjalizimit të emergjencës meteorologjike në nivelin maksimal.
