Presidenti ukrainas komenton nga Londra grindjen me Trump në Shtëpinë e Bardhë
Presidenti ukrainas Volodymyr Zelensky njoftoi në Londër se një marrëveshje për mineralet me Shtetet e Bashkuara është gati për nënshkrim, por theksoi se negociata të tilla të ndjeshme nuk duhet të zhvillohen në publik, duke aluduar në mosmarrëveshjet e fundit me Donald Trump.
Në një intervistë të transmetuar nga BBC, Zelensky shpjegoi se “nuk ishte e drejtë” të liheshin plotësisht të hapura bisedimet sepse armiqtë mund të shfrytëzonin çdo mosmarrëveshje midis aleatëve.
Duke folur për grindjen me Trump, presidenti ukrainas theksoi se ai nuk erdhi për t’u fokusuar në mosmarrëveshjet e së kaluarës, por donte të kalonte në bisedime “konstruktive” për të ardhmen.
Ai shtoi se nëse janë konstruktivë, ka mundësi për një rezultat pozitiv.
Zelensky tha gjithashtu se qëllimi i tij ishte të ishte në Shtëpinë e Bardhë sepse ishte ftuar nga presidenti amerikan, gjë që ai e konsideron një gjest respekti. Edhe pse ai përsëriti se nuk kishte ndërmend të “fyente” askënd, ai theksoi se ishte e rëndësishme që qëndrimi ukrainas të dëgjohej qartë.
Më tej, Presidenti i Ukrainës theksoi se Rusia duhet të njihet si agresore në këtë konflikt dhe se ai nuk do të donte që lufta të portretizohej si një konflikt mes dy palëve ku nuk është e qartë se kush është agresori.
Zelensky foli përmes një përkthyesi, duke refuzuar të fliste në anglisht. /tesheshi.com/
