Ministri i Bujqësisë i Shqipërisë, Andis Salla, u takua me ambasadorin e Türkiyes në Shqipëri, Tayyar Kağan Atay, për të diskutuar mbi mënyrat e forcimit të bashkëpunimit mes dy vendeve në bujqësi, zhvillim rural dhe siguri ushqimore.
Ministri i Bujqësisë dhe Zhvillimit Rural të Shqipërisë, Andis Salla, priti në një takim ambasadorin e Republikës së Türkiyes në Shqipëri, Tayyar Kağan Atay, për të diskutuar mbi mënyrat e forcimit të bashkëpunimit mes dy vendeve në fushën e bujqësisë, zhvillimit rural dhe sigurisë ushqimore.
Gjatë takimit, palët vlerësuan marrëdhëniet e shkëlqyera dhe partneritetin e qëndrueshëm mes Shqipërisë dhe Türkiyes, duke theksuar rëndësinë e vijimësisë së zbatimit të Planit të Veprimit që buron nga Deklarata e Përbashkët për skemat e sigurimeve bujqësore, të bazuar në modelin TARSIM të Türkiyes.
“Diskutuam mbi vazhdimin e zbatimit të Planit të Veprimit që buron nga Deklarata e përbashkët për skemat e sigurimeve bujqësore (modeli TARSIM) dhe mbi mundësitë për mbështetje teknike në fushat e sigurisë ushqimore dhe mbrojtjes së bimëve mjekësore, ku pala turke shprehu gatishmërinë për të thelluar bashkëpunimin teknik e institucional”, deklaroi ministri.
Ministri Salla tha se u diskutua gjithashtu mbi mundësitë për mbështetje teknike në fushën e sigurisë ushqimore dhe mbrojtjes së bimëve mjekësore, ku pala turke shprehu gatishmërinë për të thelluar bashkëpunimin teknik dhe institucional.
Sipas Sallës, Türkiye ka ofruar ndihmë për shkëmbimin e eksperiencave dhe zbatimin e praktikave të suksesshme në sektorin bujqësor, duke kontribuar në përmirësimin e politikave dhe eficiencës së sistemeve të sigurimeve në bujqësi.
