Edi Rama dhe Hashim Thaçi së bashku kanë menduar çdo mënyrë për të provokuar kryeministrin serb, Aleksandër Vuçiç, gjatë vizitës së tij më 27 maj në Tiranë.
Kur vetëm gjashtë ditë ndajnë vizitën kreut të qeverisë serbe në kryeqytetin Shqiptar, gazeta serbe “Kurir” vijon me aludimet e këtij takimi.
Gazeta e “Kurir” shkruan sot se vizita nuk do të bëhet duke respektuar protokollin.
“Kurir” parashikon se gjatë kësaj vizite do të ndodhin tre momente të cilat konsiderohen si provokim për Vuçiç.
Së pari, kryeministri Rama do të flasë për Shqipërinë e Madhe, së dyti shoqëria civile do të organizojë protesta kundër kryeministrit serb dhe së treti gazetarët që do të vijnë me Vuçiç nuk do të lejohen të bëjnë pyetje./Shekulli
