Autoriteti amerikan për sigurinë e transportit ka njoftuar se do të lejojë bartjen e brisqeve të vegjël të xhepit nga pasagjerët në aeroplanë. Kjo gjë ndodh për herë të parë që nga sulmet e 11 shtatorit.
Nga 25 prilli, pasagjerët në SHBA mund të marrin me vete brisqe që kanë teh më të shkurtër se 6 cm. Mirëpo, nuk do të lejohen thikat, skalpelët dhe brisqet e rrojës.
Ky ndryshim është kritikuar nga stafi i ekuipazhit, sipas të cilit kjo do t’i rrezikojë udhëtarët dhe ekuipazhin në aeroplanë.
Sipas politikave të reja, në bagazhin dhe kabinat e aeroplanëve do të lejohen të barten edhe shkopinjtë e bilardos, të skive dhe të hokejit. Autoriteti për siguri në transport në SHBA ka thënë se rregullat e reja do t’iu ofrojnë udhëtarëve përvoja të mira gjatë fluturimeve me aeroplanë./BS/kohaislame
