Tre palestinezë u ekzekutuan nga ushtarët izraelitë gjatë demonstratave paqësore të shtunën, ku mbetën të plagosur 126 palestinezë
Qindra njerëz morën pjesë në ceremonitë e varrimit të tre palestinezëve, njëri nga të cilët fëmijë, të vrarë nga ushtarët izraelitë në demonstratat paqësore gjatë Marshit të Kthimit të Madh, në Rripin e Gazës, raporton Anadolu Agency (AA).
Namazi i xhenazes për 12 vjeçarin Faris es-Sersavi u fal në një xhami në vendbanimin Es-Sujaiyye.
Në kampin e refugjatëve En-Nuseyrat, në pjesën qendrore të Rripit të Gazës, u fal xhenazja për të vrarin Mahmud Abu Seman (24), ndërsa xhenazja e të vrarit Hussein er-Rakab (28) u fal në Khan Yunis.
Ministria e Shëndetësisë në Gaza, në një deklaratë të mëparshme tha se tre palestinezë u ekzekutuan nga ushtarët izraelitë gjatë demonstratave paqësore të shtunën, ku mbetën të plagosur 126 palestinezë.
