11.9 C
Pristina
Sunday, December 3, 2023

Rreziku i konfliktit të drejtpërdrejtë midis SHBA-së dhe Rusisë ‘duke u rritur vazhdimisht’ – pretendon një zyrtar i lartë rus

Më të lexuarat

Rreziqet e një konfrontimi të drejtpërdrejtë ushtarak midis Rusisë dhe Shteteve të Bashkuara janë në rritje të vazhdueshme.

Kështu së paku pretendon një diplomat rus, i cituar nga agjencia e lajmeve TASS, shkruan SkyNews, përcjell Telegrafi.

Vladimir Yermakov, kreu i ministrisë së jashtme për mospërhapjen bërthamore, i tha agjencisë shtetërore ruse të lajmeve se “Uashingtoni po përshkallëzon rreziqet përmes sjelljes së tij me Moskën”.

“Nëse Shtetet e Bashkuara vazhdojnë të ndjekin kursin e tyre aktual të konfrontimit me Rusinë,… atëherë fati i START (traktatit të armëve bërthamore) mund të jetë një përfundim i paramenduar”, citohet të ketë thënë Yermakov.

Ndryshe, SHBA i tha Rusisë në mars se do të pushojë së shkëmbyeri disa të dhëna për forcat e saj bërthamore pas refuzimit të Moskës për ta bërë këtë.

Ata e quajtën këtë një përgjigje ndaj Rusisë që pezulloi pjesëmarrjen e saj në traktatin e ri START.

Megjithatë, Yermakov nuk ishte specifik në lidhje me kërcënimet e SHBA-së në intervistën e tij për TASS.

Kështu tha ai: “Kërcënimi më i mprehtë sot lidhet me rrezikun e përshkallëzimit bërthamor si rezultat i një konfrontimi të drejtpërdrejtë ushtarak midis fuqive bërthamore”.

“Dhe këto rreziqe, për keqardhjen më të thellë, janë në rritje të vazhdueshme”. /Telegrafi/

- Advertisement -spot_img

Më tepër

Të fundit