11.3 C
Pristina
Friday, March 29, 2024

Protesta pandemike në Francë: sulmohen qendrat e vaksinimit

Më të lexuarat

Dy qendra vaksinimi në Francë u shkatërruan gjatë protestës për shkak të futjes së rregullave më të rrepta në luftën kundër COVID-19, shkruan BBC.

Qendra e vaksinimit në Lans-en-Vercors u vu në shënjestër të vandalëve, madje duke i vënë dhe flakën, siç ndodhi dhe në fshatin Urunj në Bretanjë.

Gjatë fundjavës, më shumë se 100,000 njerëz dolën në rrugë nëpër Francë për të dënuar masat e reja. Masat e diskutueshme përfshijnë vaksinimin e detyrueshëm të punonjësve të kujdesit shëndetësor dhe kalimet për të hyrë në shumicën e vendeve publike. Protestuesit bllokuan zyrat e ligjvënësve që mbështetën masat.

Kritikët akuzojnë administratën e presidentit Emmanuel Macron për abuzime të të drejtave të njeriut.

Më shumë se 111,000 njerëz kanë vdekur në Francë që nga fillimi i pandemisë. Javën e kaluar, një ekip shkencor paralajmëroi për një valë të katërt pandemie në muajt e ardhshëm.

Rezultatet e sondazhit tregojnë se ekziston skepticizëm i madh për vaksinimin në Francë. Një sondazh nga agjencia Ipsos tregon se vetëm 40 përqind e të anketuarve shprehën qëllimin për të marrë vaksinën. /tesheshi.com/

- Advertisement -spot_img

Më tepër

Të fundit