Shumica e atyre hyjnë ilegalisht në Poloni, jo nga Lindja e Mesme
Zyrtarët polakë thanë se po shihnin ndryshime në migrimin përtej kufirit me Bjellorusinë, se shumica e atyre që kërkonin të hynin ilegalisht në Poloni ishin nga Afrika, jo nga Lindja e Mesme, dhe kishin qenë më parë në Rusi.
Qeveria tha se migrantët afrikanë përfshijnë ata që kalojnë përmes Rusisë, një aleat i ngushtë dhe fqinj i Bjellorusisë, dhe ata që kanë qëndruar në Rusi për një kohë të gjatë.
Qeveria e përshkroi migrimin si pjesë e një “operacioni hibrid që synon destabilizimin e krahut lindor të NATO-s”, raportoi AP.
Që nga vera e kaluar, emigrantët dhe azilkërkuesit janë përpjekur të kalojnë nga Bjellorusia në Poloni, Lituani dhe Letoni, në krahun lindor të Bashkimit Evropian dhe NATO-s.
Kthimi i emigrantëve në Bjellorusi
Shtetet janë përpjekur të dekurajojnë tentativat për kalime, duke ndaluar emigrantët dhe duke i dërguar ata në Bjellorusi.
Polonia gjithashtu përfundoi së fundmi një mur të lartë përgjatë 186 kilometrave të kufirit të saj tokësor me Bjellorusinë.
Vendet e BE-së janë kritikuar nga organizatat e të drejtave të njeriut, të cilat deklarojnë se mes emigrantëve ka njerëz që ikin nga persekutimi, të cilët kanë të drejtë të kërkojnë azil sipas ligjit ndërkombëtar.
Udhëheqësit evropianë e kanë dënuar migrimin si një akt të luftës hibride, duke akuzuar presidentin bjellorus Alexander Lukashenko për krijimin e një rruge të re dhe artificiale migrimi për të destabilizuar BE-në. /tesheshi.com/
