21.7 C
Pristina
Sunday, September 26, 2021

Po realizonte një video, studenti në Kongo kapet nga polici pa maskë në fytyrë – e qëllon për vdekje

Më të lexuarat

Një polic në Kinshas, ka vrarë një student i cili nuk barte maskë mbrojtëse gjatë realizimit të një video, e kjo ndodhi pasi vala e tretë e coronavirusit ka goditur Republikën Demokratike të Kongos (DRC), kanë raportuar mediat e atjeshme duke u thirrur në dëshmitë e dëshmitarëve okularë.

“Kolegu ynë Honore Shama, student i letërsisë në Universitetin e Kinshas, ka realizuar një video në kuadër të një pune praktike. Ai është akuzuar për mosbindje dhe rezistencë, ku si pasojë u qëllua me armë nga afër”, ka thënë një dëshmitar, që gjithashtu ishte student në Petient Odia, transmeton Telegrafi.

Bartja e maskës në Kongo është e obligueshme, kurse shkelja e kësaj mase dënohet me 10.000 franga të Kongos apo pesë dollarë amerikanë.

Zyrtarët policorë në Kinshas dyshohet se vazhdimisht po i shqetësojnë qytetarët, duke u kërkuar para në këmbim të mos shqiptimit të gjobave të ndryshme.

E nga shpërthimi i pandemisë së coronavirusit në mars të vitit të kaluar, në Kongo janë regjistruar 47.786 raste dhe 1.020 tjerë që kanë humbur jetën nga COVID-19. /Telegrafi/

- Advertisement -spot_img

Më tepër

Të fundit