Barack Obama, ka urdhëruar hetime lidhur me sulmet kibernetike gjatë fushatës së fundit presidenciale, për të cilat Uashingtoni e fajëson Rusinë.
Obama i ka urdhëruar agjencitë e inteligjencës së Shteteve të Bashkuara të paraqesin një raport lidhur me këtë çështje, para se ai të largohet nga presidenca, më 20 janar të vitit të ardhshëm.
Qeveria e Shteteve të Bashkuara publikisht e ka akuzuar qeverinë ruse për involvim në sulmet kibernetike kundër zyrtarëve të Partisë Demokratike.
Lisa Monaco, këshilltare për siguri të brendshme e presidentit Obama, u tha mbrëmë vonë reporterëve se rezultatet e raportit do tu paraqiten edhe ligjvënësve dhe publikut./albeu
