Psikologët kanë paralajmëruar se njerëzit në Britani të Madhe kalojnë shumë kohë para ekraneve, kryesisht telefonave të mençur dhe televizorëve.
Dr. Kiki Leutner nga Universiteti i Londrës ka zhvilluar një hulumtim i cili përfshiu 2.000 të rritur, dhe rezultatet e hulumtimit janë shqetësuese.
Rezultatet kanë treguar se koha e kaluar përpara ekranit ndikon në sjellje, marrëdhënie, nivele të përqendrimit dhe në humbjen e kontaktit me botën reale.
Sipas hulumtimit të Encore Tickets, gjatë një dite të zakonshme pune një person mesatar i Britanisë së Madhe i kalon gjashtë orë duke shikuar në ekrane, duke përfshirë telefonat e mençur, tabletët, kompjuterët dhe televizorët, transmeton Koha.
Pothuajse një e katërta e popullsisë i kalojnë më shumë se 10 orë në ditë para ekraneve, duke e kaluar shumicën e ditës së tyre në botën digjitale, në vend të koncerteve muzikore dhe teatrove.
Dr. Leutner, e cila punon me Encore Tickets duke hedhur dritë në pasojat negative të kalimit të kohës përpara ekranit, paralajmëroi se 9 nga 10 njerëz në Britani të Madhe besojnë se ekranet janë një pjesë e rëndësishme e jetës së përditshme.
“Më shumë se një e treta e njerëzve besojnë se nuk mund të jetojnë pa ekran, gjë që tregon se gjithnjë e më shumë po mbështetemi në pajisjet digjitale. Njerëzit janë të lidhur me pajisjet si telefonat, gjë që mund të jetë e dëmshme”, tha Leutner.
