LSDM sot dorëzon nismën për vazhdimin e mbledhjes konstituive të Kuvendit, në të cilën duhet të zgjidhet kryeparlamentari. Kryesuesi i mbledhjes së parë konstituive, deputeti Trajko Veljanovski duhet të caktojë vazhdimin e seancës, informon portali Plusinfo.
Në seancën që pritet të caktohet duhet të zgjidhen anëtarët e Komisionit për zgjedhje dhe emërime, e cila duhet ta propozojë edhe kryetarin e ri të Kuvendit. Lidhur me këtë temë, ditëve të fundit janë zhvilluar konsulta mes partive.
