I Dërguari Special i BE-së për dialogun Kosovë-Serbi, Miroslav Lajçak, ka qenë në Itali ku ka zhvilluar një takim me nënsekretarin italian të shtetit Benedetto Della Vedovam për zhvillimet e fundit në Ballkan.
Lajçak në këtë takim ka falënderuar Italinë për mbështetjen që i ka dhënë atij në rolin e ndërmjetësuesit të dialogut. Ndër të tjera përmes një postimi në Twitter ai ka informuar palën italiane për gjendjen aktuale të dialogut.
“E përditësova për gjendjen aktuale të dialogut dhe hapat që kemi përpara. Faleminderit Italisë për mbështetjen e saj të madhe për punën time dhe integrimin e rajonit në BE”, shkruan ai në profilin e tij në Twitter.
Takimi i fundit mes Kosovës dhe Serbisë në nivel teknik ishte më 16 nëntor. Lajçak zhvilloi takime të ndara me kryenegociatorët, por nuk pati takim trepalësh./abcnews.al
