Dihet nga të gjithë se dy gjenitë e botës së informatikës, Steve Jobs i Apple dhe Bill Gates i Microsoft, kanë paur një histori “dashuri-urrejtje” mes tyre.
Zënkat nisën kur Microsoft shpalli daljen e versionit të parë të Windows në vitin 1985.
Atëherë, përcjell bota.al, Steve Jobs akuzoi Bill Gates se e kishte vjedhur idenë nga një produkt Apple, e pikërisht nga Macintosh.
Por Gates-it nuk i bëhej vonë.
Ai e dinte që ndërfaqet grafike do të bëheshin fenomen, dhe nuk mendonte se Apple kishte të drejta ekskluzive mbi idenë.
Kur Jobs e akuzoi Gates se i kishte vjedhur idenë, ai u përgjigj në mënyrë fantastike: “Epo, Steve, mendoj se ka më shumë se një mënyrë për ta parë këtë gjë. Mendoj se është më e mundur që të dy ne kishim një fqinj të pasur që quhej Xerox, dhe kur unë u futa në shtëpinë e tij për t’i vjedhur televizorin, pashë që ai ishte vjedhur tashmë nga ti”.
