Një delegacion i lartë i Bashkësisë Fetare Islame të RMV, i përbërë nga Dr. Selver ef. Xhemaili, Drejtor për Diasporë në Rijasetin e BFI, i cili në këtë ngjarje prezantoi në vend të Reisul Ulemasë Shaqir ef. Fetai, së bashku me Myftiun e Tetovës, Prof. Dr. Qani ef. Nesimi, Myftiun e Gostivarit Mr. Sabahudin ef. Zendeli dhe Myftiun e Strugës Mr. Salim ef. Sulejmani, morën pjesë në hedhjen e gurthemelit të Qendrës Kulturore Islame në qytetin Vinterthur të Zvicrës.
Bëhet fjalë për një projekt madhështor, i projektuar mirë, organizuar dhe financuar nga Shqiptarët që punojnë dhe veprojnë në Zvicër.
Në këtë eveniment madhështorë morën pjesë edhe autoritetet komunale të Vinterthurit, përfaqësuesit e bashkësive islame nga trojet shqiptare, zyrtarët e KMSHZ-së imamë si dhe një numër i madh i besimtarëve mysliman shqiptarë.
Delegacioni i BFI në këtë eveniment madhështor përshëndetën dhe uruan të pranishmit në emër të kryetarit të BFI-së H.Hfz. Shaqir ef. Fefai, si dhe falënderuan udhëheqësinë e Xhamisë dhe imamin Ismail ef Halilin për organizimin e bukur të këtyre programeve dhe për mikpritjen e ngrohtë që ua bënë anëtarëtve të delegacionit të BFI të RMV.
Dhëntë Zoti që ky projekt të përfundojë në mënyrën më të mirë. Ju qoftë për hair. Gjithnjë paçi suksese.
