FIFA respekton bindjet fetare të Mohamed Salahut
FIFA ka hequr logot dhe reklamimin e alkolit nga trofeu “Lojtari i Ndeshjes” i ndarë për futbollistin egjiptian Mohamed Salah, duke marrë parasysh besimin e tij Islam.
Sipas një deklarate të dhënë për SPORTbible, një zëdhënës i FIFA-s ka sqaruar se organizata mund të ofrojë “një trofe pa marka komerciale dhe një sfond pa reklamim”, kur kjo kërkohet për të respektuar preferencat dhe bindjet fetare të lojtarëve të përzgjedhur.
Veprimi është vlerësuar si një shembull i respektimit të lirisë fetare dhe i ndjeshmërisë ndaj diversitetit kulturor në sportin ndërkombëtar.
Mohamed Salah, i njohur jo vetëm për sukseset e tij në fushën e lojës, por edhe për identitetin e tij të fortë Islam, vazhdon të mbetet një figurë frymëzuese për miliona tifozë në mbarë botën.
