Nëse nuk përpiqesh ta ndryshosh dhe përmirësosh sjelljen tënde, do të detyrohesh të kënaqesh me të njëjtat rezultate!
Veprime që na ndihmojnë të fitojmë kënaqësinë e All-llahut:
-
Fillo ditën me namazin e sabahut, sa herë që të jetë e mundur, edhe në xhemat.
-
Mëso dhe lexo çdo ditë Kur’anin e Madhëruar me kuptim dhe përkushtim.
-
Nëse dikush të ofendon ose thotë diçka të pakëndshme, mos i përgjigj; lutju All-llahut që ta falë atë.
-
Kur të të kaplojë hidhërimi, ndrysho pozicion – ulu ose shtrihu. Lutju Allahut, xhele shanuhu, për mbrojtje nga shejtani dhe përqendrohu tek gjërat pozitive dhe të dobishme.
-
Kur je i gëzuar, ndaj gëzimin me shokët; kur ata janë në dhembje ose dëshpërim, ngushëlloji.
-
Çdo vështirësi apo fatkeqësi e kuptoje si sprovë që forcon durimin dhe përvojën tënde.
-
Duaje ata që dashurinë ndaj Allahut e shfaqin sinqerisht dhe pa hezitim.
-
Bisedo vetëm kur tema është e dobishme për ty dhe të tjerët; në të kundërt, më mirë hesht.
-
Në takime, buzëqesh, falua dhe mos bëj hakmarrje.
-
Kujdesu për kohën e lirë, shetitjet, lojërat dhe kënaqësitë me familjen dhe shokët, por mos harro asnjëherë kujtimin e All-llahut.
-
Ji i dëgjueshëm dhe i respektueshëm ndaj prindërve, përqafoji, puthu dorën dhe gëzoji me dhurata.
-
Kur të kritikojnë për sjellje, verifiko nëse ato janë të kënaqshme për All-llahun. Nëse po, injoro kritikat dhe mbaje mend se Pejgamberi alejhis-selam dhe sahabet duruan për qëllime më të larta.
-
Mos e lejo që fama të të ngrejë në kokë; ajo është kalimtare dhe shpesh sjell më shumë dëm sesa dobi.
-
Mos e shiko askënd me përbuzje apo kryelartësi, sepse Allahu mund ta vlerësojë ndryshe.
-
Vendos All-llahun gjithnjë në vend të parë në jetën tënde dhe harmonizo të gjitha gjërat e tjera me këtë prioritet.
Përgatiti: Nadira Agiq
Përktheu: Ebu Jasin
Albislam
