“Krishtlindja është marrë peng nga materializmi, që lë Zotin në hije dhe bën që shumë njerëz të jenë të verbër ndaj nevojave të të uriturve, emigrantëve dhe viktimave të luftës” – ka qenë kjo deklarata e kreut të botës katolike, Papa Françeskut.
Në fjalimin e tij gjatë mesnatës me rastin e Krishtlindjeve, ai tha bota e fiksuar pas dhuratave, festave dhe egoizmit ka nevojë për më shumë përulësi.
“Jezusi lindi i refuzuar nga disa dhe i injorurar nga shumë të tjerë. Sot mund të ekzistojë e njëjta indiferencë, kur Krishtlindja bëhet një festë ku jemi ne protagonistët dhe jo Jezusi, kur dritat e tregtisë lënë në hije dritën e Zotit, kur ne jemi të shqetësuar për dhuratat, por të ftohtë ndaj atyre që janë margjinalizuar”, tha Papa Françesku.
Sipas tij, kjo NATYRË MATERIALISTE E BOTËS ka marrë peng Krishtlindjen dhe kjo e fundit duhet çliruar. /tesheshi.com/
