Papa Françesku bëri thirrje për lutje për Maqedoninë nga sheshi “Shën Pjetër” në Vatikan, para rreth 10.000 personave.
Lutja e kreut të Selisë së Shenjtë vjen pas situatës problematike të krijuar atje për shkak të dhunës në Parlament.
“Të lutemi për të gjithë ato vende të cilat po kalojnë nëpër vështirësi të mëdha, në veçanti në Republikën e Maqedonisë”, ka thënë Papa Françesku.
Ai i foli besimtarëve edhe për situatën në Venezuelë, duke kërkuar që t’i jepet fund dhunës dhe krizës së rëndë humanitare, sociale, politike dhe ekonomike në këtë vend.
Papa shprehu shqetësim për shkak të numrit të madh të një numri të viktimave dhe personave të lënduar në Venezuelë.
