Presidenca egjiptiane deklaroi dje se forcat e rendit do të vepronin me një vendosmëri të patundur ndaj çdo lloj akti dhune që mund të hasin përgjatë protestave jo vetëm në Kajro, por edhe në të gjitha qytetet e tjera të Egjiptit.
”Forcat e sigurisë do të veprojnë me vendosmëri absolute kundër të gjitha akteve të dhunës për të mbrojtur ndërtesat dhe njësitet shtetërore dhe publike”, deklaronte presidenca egjiptiane në faqen e saj të rrjetit ”Twitter”.
Po ashtu presidenca në mesazhin e saj të postuar bënte thirrje edhe që mbështetësit e forcave politike opozitare të shpërndaheshin dhe të largoheshin ”menjëherë” nga zonat përreth pallatit të presidentit egjiptian Mohamed Morsi./trt/kohaislame
