NATO nuk do të marrë pjesë në operacionet ushtarake në Mali, por miraton veprimet e aleatëve që i janë bashkuar misionit, të kryesuar nga Franca, deklaroi të premten në Vilnius Sekretari i Përgjithshëm i NATO-s, Anders Fogh Rasmusen, pas një takimi me Presidenten lituaneze Dalia Grybauskaite.
“Unë e vlerësoj faktin që aleatët individualë në NATO kanë vendosur t’i ofrojnë ndihmë Francës në këtë mision të rëndësishëm. Por Këshilli i Sigurimit i OKB-së vendosi se këto trupa stabilizuese duhet të udhëhiqen nga Afrika, dhe pikërisht për këtë arsye unë nuk vërej ndonjë rol të NATO-s në këtë mes”, – tha ai.
Megjithëse ditë më parë NATO u “solidarizua” me anëtarët e saj, duke i vënë aeroplanët bartës amerikan në dispozicion të transportit të ushtarëve dhe logjistikës nga Franca në Mali si dhe gjatë operacioneve mbështetje me inteligjencë.
