Korporata Apple po shqyrton mundësinë e prodhimit të një modeli më të lirë të iPhone me qëllim të forcimit të pozitave të saj në tregun e smartphones, njofton gazeta “The Wall Street Journal” duke cituar burime të ndryshme informacioni.
Në veçanti, kompania është duke shqyrtuar mundësinë e prodhimit të një telefoni me materiale më të lira. Për shembull, në vend të veshjes prej alumini të korpusit të iPhone mund të përdoret lënda plastike.
Nxjerrja në treg e modelit të ri, nëse kompania nuk heq dorë nga planet e saj, mund të ndodhë brenda këtij viti.
