Një video skandaloze është publikuar në Youtube, ku evidentohen sjellje tërësisht të ulëta të disa nxënësve me profesorin gjatë orës mësimore.
Në këtë video që shfaqë më së miri mjerimin e sistemit edukativ në Kosovë nuk jepen detaje se në cilën shkollë ka ndodhur, por është mjaft e dukshme se ngjarja zhvillohet në një prej shkollave të Kosovës, shkruan Periskopi.
Huliganizmi nëpër shkolla është bërë dukuri shqetësuese në shkollat e Kosovës, derisa institucionet përgjegjëse duket se janë të ngathta që të merren seriozisht me këtë problematikë.
Në video shihet se si nxënësit kërcënojnë edhe fizikisht profesorin, derisa bërtimat skizofrenike nuk ndalen gjatë gjithë kohës.
