Në përurimin e spitalit në Vushtrri të renovuar nga Emiratet e Bashkuara Arabe, kryeministri Isa Mustafa ka falënderuar këtë shtet për investimin 7 milionësh në këtë spital.
Ai ka thënë se ky investim është simbol i miqësisë mes dy vendeve dhe ka shtuar se shëndetësia dhe përmirësimi i infrastrukturës së saj është prioritet i Qeverisë, raporton KTV. Mustafa ka shtuar se ky është një nga investimet më të mëdha në shëndetësi pas luftës.
Ndërkohë në emër të Emirateve të Bashkuara Arabe, ambasadorja në Mal të Zi, Hafsa Abdulla Al Ulama, tha se ky investim, simbol i miqësisë mes vendeve, sjell mjetet e fundit të teknologjisë dhe do të shërbejë për përmirësimin e shërbimeve shëndetësore.
