I dërguari special i Kombeve të Bashkuara për Sirinë i ka bërë thirrje Rusisë dhe regjimit sirian që të mos shkatërrojnë qytetin e Alepos për shkak të eliminimit të militantëve.
Duke folur në Gjenevë, Staffan de Mistura ka paralajmëruar se zonat e kontrolluara nga rebelët në lindje të Alepos, mund të “shkatërrohen plotësisht”brenda dy muajsh.
Në Alepo sipas shifrave të Kombeve të Bashkuara jetojnë rreth 275 mijë civilë.
Rusia dhe regjimi sirian kanë bombarduar këtë qytet me pretekstin se po sulmojnë militantët.
