Autoritetet siriane liruan 275 të burgosur që ishin “të përfshirë” në protestat kundër presidentit, Bashar Al Asad, bëri të ditur televizioni shtetëror i këtij vendi.
“Autoritetet kanë liruar 275 të burgosur që kishin qenë të përfshirë në incidentet e fundit, por asnjë nga ata nuk i ka duart e përgjakura”, thuhet në lajmin e plasuar për këtë çështje.
Sipas televizionit sirian, që nga muaji mars që kur nisën protestat e dhunshme janë liruar më shumë se 4 mijë të burgosur brenda shtatë raundeve, prej të cilëve vetëm në muajin maj thuhet se janë liruar një mijë.
Gjatë raundit të fundit, më 1 qershor, u patën liruar 223 njerëz në praninë e vëzhguesve të Kombeve të Bashkuara.
Lirimi i të burgosurve është pjesë e rëndësishme e planit gjashtë-pikësh për rivendosjen e paqës në Siri-plan i krijuar nga emisari ndërkombëtar për këtë çështje, Kofi Anan.
Ndërkohë, të dhënat e organizatave për të drejtat e njeriut flasin për mijëra të burgosur dhe rreth 17 mijë të vrarë në Siri brenda 16 muajve të konfliktit.kohaislame
