Prizreni pret shtëpi botuese dhe personalitete të njohura të pendës nga Kosova, Shqipëria, Maqedonia, Bosnja dhe Turqia, në Panairin e Librit, nga 8 deri në 13 korrik, në ambient të hapur në qendër të qytetit historik, afër Shatërvanit.
Ky është edicioni i katërt i Panairit “Prizreni 2012” që organizohet Unioni për Kulturë, Edukim dhe Arsim, i mbështetur nga Ministria e Kulturës, Rinisë dhe Sportit e Republikës së Kosovës.
Organizatorët thanë sot se edicionet e kaluara kanë dëshmuar për rritje të interesimit për librin, si nga ana e lexuesve prizrenas e më gjerë, po ashtu nga turistët, shtëpitë botuese, intelektualët, etj.
Gjatë Panairit, hapja solemne e të cilit do të bëhet të dielën në ora 19:00, secilën mbrëmje do të ketë program kulturor me mbrëmje letrare, promovime librash, autorësh dhe shtëpish botuese.
