Gjatë muajit dhjetor dhe janar, refugjatëve do t`i shpërndahen 15.000 pako me produkte ushqimore të siguruara nga populli i Japonisë, në suaza të implementimit të Apelit për përkrahje të refugjatëve nga ana e Federatës ndërkombëtare të shoqatave të Kryqit të Kuq, dhe të Gjysmës Hënës së Kuqe, transmeton zhurnal.mk
Kryqi i kuq i Republikës së Maqedonisë siguroi përkrahje për refugjatët të cilët po kalojnë transit nëpër Republikën e Maqedonisë drejt vendeve të Bashkimit Evropian.
Aktivitetet e Shoqatës nacionale po implementohen nga ana e rreth 200 vullnetarëve dhe të punësuarve të cilët në vazhdimësi po përkrahin refugjatët në qendrat pranuese në Gjevgjeli dhe Tabanoc.
