Nuk ka asnjë shans të përmendet Srebrenica e të mos më kujtohet kjo deklaratë skandaloze dhe fatkeqësisht publike e priftit shqiptar në Michigan:
„Ne nuk kemi merituar të lirohemi nga Beogradi, ka qenë dashur të na rjepin. Sikurse i ka rjepur Millosheviqi 260 mijë qen, edhe në Kosovë po t’i kishte rjepur 1 milion e 900 mijë qen, asgjë nuk do të kishte bërë më keq!“
Srebrenica është vendi ku, në korrik të vitit 1995, mbi 8 mijë burra dhe djem boshnjakë u vranë dhe u masakruan në mënyrë sistematike nga forcat serbe, në sytë e mbarë botës.
Ajo është simbol i një prej krimeve më të rënda në Evropë pas Luftës së Dytë Botërore. E megjithatë, dikush ka pasur guximin ta marrë atë tragjedi e të thotë se duhej të ndodhte edhe më shumë në Kosovë.
Kjo deklaratë e tij kishte ndodhur pak para Shpalljes së Pavarësisë;
Për kë?! Për vëllezërit e vet që sapo kishin filluar t’i çelnin pak sytë dhe që sapo kishin lëvizur paksa nga këmba e shkaut.
Allahu na ruajtë prej shkaut dhe prej atyre që mendojnë si ai!
P.S.
Respekt maksimal për ata vëllezër tanë shqiptarë të besimit katolik që ia patën lëshuar fjalimin (e patën braktisur meshën/takimin) dhe u patën qëndruar besnikë të parëve të tyre rilindas, si Gjergj Fishta, për të cilin transmetohet të ketë thënë:
„Në qoftë se Evropa nuk na do në një shtet ngaqë shqiptarët janë myslimanë, atëherë ne të krishterët kemi t’i shkrijmë kryqat tanë e kemi t’i bëjmë fishekë, për t’i mbrojtur vëllezërit tanë shqiptarë myslimanë.“
Besart Kuleta
