Emër për emër: ata që sipas senatorit demokrat, kontrollojnë mendjen e miletit në SHBA
Bernie Sanders, senatori nga Vermonti dhe fytyra e socialistëve demokratë në Shtetet e Bashkuara, tha se pesë burra zotërojnë të gjitha mediat e rëndësishme në këtë vend.
Në një postim në X, ai shkroi se kështu duket peizazhi mediatik i Shteteve të Bashkuara sot:
“Njeriu më i pasur në botë, Elon Musk, zotëron X. Njeriu i dytë më i pasur në botë, Larry Ellison, zotëron Paramount, përfshirë CBS, dhe tani mund të marrë përsipër TikTok dhe CNN. Jeff Bezos zotëron Washington Post dhe Twitch.
Mark Zuckerberg zotëron gjithashtu Facebook dhe Instagram.
Në fakt, pesë burrat më të pasur në botë janë TË GJITHË pronarë ose CEO të mediave.
Kur po flasim për një oligarki në Amerikë, nuk bëhet fjalë vetëm për pabarazinë e të ardhurave dhe pasurisë. Bëhet fjalë për kontrollin mbi median dhe atë që populli amerikan mund të shohë, dëgjojë dhe lexojë”, tha Sanders.
Sanders është bërë një nga fytyrat e preferuara të politikës së krahut të majtë në Shtetet e Bashkuara, veçanërisht midis të rinjve, dhe ai gjithashtu po mbështet muslimanin Zohran Mamdani në kandidaturën e tij për kryetar bashkie të Nju Jorkut.
Ai gëzoi popullaritet në vitin zgjedhor 2016, por vendosi të tërhiqte kandidaturën e tij për nominimin demokrat në favor të Hilary Clinton, e cila humbi zgjedhjet ndaj Presidentit aktual Donald Trump, i cili është në mandatin e tij të dytë. /tesheshi.com/
