Shtëpia e Besimtarëve Myslimanë Druzë në provincën e Suvejdës njoftoi sot arritjen e një marrëveshjeje zyrtare me qeverinë siriane, e cila parasheh ri-integrimin e plotë të provincës brenda institucioneve shtetërore, duke theksuar sovranitetin e plotë të shtetit sirian mbi të gjitha territoret e saj në Suvejde.
Sipas deklaratës së publikuar nga kjo Shtëpi, marrëveshja përfshin riaktivizimin e të gjitha institucioneve shtetërore zyrtare dhe garantimin e të drejtave të qytetarëve në Suvejde sipas ligjeve të drejtësisë dhe barazisë, me qëllim sigurimin e stabilitetit dhe kohezionit shoqëror.
Gjithashtu është rënë dakord për formimin e një komisioni të pavarur për të hetuar shkeljet e ndodhura gjatë periudhës së kaluar, i cili do të ketë për detyrë kompensimin e të dëmtuarve dhe garantimin e të drejtave të viktimave dhe familjeve të tyre.
Deklarata konfirmon se sigurimi i rrugës Damask–Suvejde do të jetë përgjegjësi e shtetit, për të garantuar sigurinë e qytetarëve dhe udhëtarëve. Për më tepër, forcat e ushtrisë siriane do të tërhiqen në kazermat e tyre, ndërsa siguria e brendshme do të vihet në funksion përmes pikë-kontrollesh të menaxhuara nga oficerë të ndershëm vendas nga provinca.
/Siria online/
