Fjalimi i fitores së Donald Trump: Do shërojmë Amerikën!
Donald Trump është presidenti i ri i Shteteve të Bashkuara të Amerikës. Nuk është ende zyrtare, por dy mediat më të mëdha amerikane, CNN dhe Fox Neës, kanë shpallur fitoret e tij.
Vetë Trump mbajti fjalimin e fitores në selinë e tij.
“Faleminderit të gjithëve, kjo është e mrekullueshme. Kjo është një lëvizje që askush nuk e ka parë më parë. Kjo është lëvizja më e madhe politike e të gjitha kohërave. Nuk ka pasur kurrë një lëvizje si kjo në Amerikë. Ne do të shërojmë Amerikën. Ne do të rregullojmë gjithçka në shtetin tonë”, u tha Donald Trump mbështetësve nga selia e tij e fushatës në Florida.
“Ne kemi kapërcyer pengesat që shumë menduan se ishin të pamundura për t’u kapërcyer. Kjo është një fitore politike që Amerika nuk e ka parë kurrë. Unë dua të falënderoj popullin amerikan për mbështetjen e tj”, vijoi Trump nën një eufori të dukshme fitoreje.
“Unë do të luftoj për ju, familjet tuaja, të ardhmen tuaj. Nuk do të ndalem derisa të sjellim një Amerikë të fortë dhe të begatë. Kjo do të jetë një epokë e artë për Amerikën,” shtoi Trump.
Më pas ai tha:
“Ne do t’ju bëjmë krenarë dhe të lumtur, dua që një ditë të shikoni prapa dhe të jeni krenarë që keni votuar për këtë grup njerëzish pas meje.
Ne kemi marrë kontrollin e Senatit. Kjo është e mrekullueshme. Numri i fitoreve në Senat është absolutisht i madh. Askush nuk e priste këtë, ndaj dua t’ju falënderoj shumë për këtë. Kemi senatorë të rinj, disa senatorë të mëdhenj”, përfundoi Trump.
Kujtojmë se ky do të jetë mandati i dytë i Donald Trump në Shtëpinë e Bardhë. Përveç Trump, në Shtëpinë e Bardhë po hyn edhe zv/presidenti i tij JD Vance, i cili do të zëvendësojë Kamala Harris në atë post. /tesheshi.com/
