Deklaratë në kohën kur fjalët i ka marrë dhe i merr era…
Këshilli i Lidhjes së Shteteve Arabe (lexo: frikacakë) mbajti një seancë të jashtëzakonshme në Kajro për të diskutuar mënyrat për të ndaluar krimet e gjenocidit, shpërnguljet e detyruara dhe spastrimin etnik të kryer nga Izraeli kundër popullit palestinez në Gaza.
Lidhja e Frikacakëve Arabë paralajmëron në deklaratën e saj përfundimtare se “këto krime po hyjnë në një fazë më brutale me qëllim të shfarosjes së popullit palestinez dhe kryerjes së formave më të tmerrshme të zhvendosjes së detyruar, shkatërrimit dhe urisë, veçanërisht në Rripin verior të Gazës”, si pjesë e një plani sistematik për të “zbrazur plotësisht zonën nga banorët e saj, në mes të pafuqisë dhe heshtjes ndërkombëtare.”
Gjithashtu, Këshilli i Lidhjes së Shteteve Arabe dënoi Shtetet e Bashkuara për ndarjen e dhjetëra miliarda dollarëve në mbështetje ushtarake për Izraelin.
Në të njëjtën deklaratë, Këshilli shprehu dënimin e tij ndaj deklaratave të fundit të ministres së Jashtme gjermane Annalene Baerbock, e cila tha se shteti okupues i Izraelit ka të drejtë të vrasë civilët dhe të bombardojë shtëpitë e tyre me pretekstin e vetëmbrojtjes. “Deklarime të tilla janë mbulesë politike që Izraeli të vazhdojë të kryejë krimin e gjenocidit kundër popullit palestinez”.
Deklarata dënon gjithashtu “agresionin brutal izraelit kundër Libanit dhe Sirisë”, duke i bërë thirrje “komunitetit ndërkombëtar të ushtrojë presionin e nevojshëm për të detyruar Izraelin të ndalojë agresionin e tij kundër këtyre dy vendeve”.
Deklarata përfundimtare theksoi “nevojën për të zbatuar vendimet e Këshillit të Lidhjes së Shteteve Arabe dhe në nivelin e ministrave të Jashtëm”, duke iu referuar disa prej këtyre vendimeve, duke përfshirë bashkimin e pretendimeve për gjenocid kundër Izraelit në Gjykatën Ndërkombëtare të Drejtësisë dhe ndjekjen penale ndaj zyrtarëve izraelitë të përfshirë në “listën e turpit” të sanksionuar nga Lidhja.
Deklarata përfundimtare i bën thirrje Gjykatës Ndërkombëtare të Drejtësisë të përshpejtojë vendimin mbi padinë për gjenocid kundër Izraelit të paraqitur nga Afrika e Jugut në fund të dhjetorit 2023, duke vënë në dukje se kjo është përgjegjësi e gjykatës dhe do të kontribuojë në ndalimin e krimi i gjenocidit në Gaza. /tesheshi.com/
